Člověk
v tísni, pobočka Slovensko v tomto roku oslavuje 10 výročie
od svojho založenia. Od roku 2006 prevádzkuje komunitné centrum v
obci Doľany, miestnej časti Roškovce (okres Levoča), obývanej
iba Rómami. Od samého počiatku v komunitnom centre pracuje Iveta
Maľarová, ktorá tak patrí medzi profesne najstarších
zamestnancov Člověka v tísni na Slovensku. Pri príležitosti
tohto výročia sme sa jej opýtali zopár otázok:
Sar
tut vičines?
Me
man vičinav Iveta Maľarová.
Keci
tuke berš?
Mange
42.
Khatar
sal?
Me
som Vranovostar, Vranov nad Topľou. But berša bešav ke Roškovca.
Hin man štar čhave.
Sar
tut dochudľal andre kodi buťi?
Keravas
buťi po aktivačne, paľis man ile andro komunitno centrum sar
dobrovoľníčka, paľis man dochudľom bareder buťi, man
zamestninen. Me kodoj kerav buťi od roku 2006. Paľis kerav imar
koja buťi eňa berš.
So
predtým kerehas, savi buťi?
Me
keravas duj berš andre matersko školka le cikne čhavorenca so
lenge has po trin, štar berš. A paľis man dochudľom andro bareder
buťi. Akana sikhavav kajse čhave so lenge hin od 6 do 15 berš.
Som lenca spokojno, bo šunen man, rešpektinen man. Prindžaren o
pravidľa save hin andro centrum.
So
keren andro centrum, save aktivity?
Aktivity
keras, základné doučovanie a paľis keras voľnočasovo aktivity –
stríhanie, lepenie a kajse veci sikhavas le čhavoren. Paľis hin
amen krúžky – rezbársky krúžok – le kaštendar vyrobinas
varechy, sivkeras pre šijaco mašina, hačkinas.
So
pes sikhaven o čhaven?
Keren
peske domáce uľohy, doučinas len, paľis keras aktivity. Hin amen
darekana le tanečno, vystupinen, keras le čhavorenca superstar.
So
sikhaves le cikne čhavore so phiren andro nulto ročnikos?
Le
cikne čhaven sikhavav geometrické tvary, farby, písmenka, čísla.
Sar
pes paš tute chovinen o kolega?
Paš
mange pes o kolega lačhes chovinen, našti phenasa. Našti man pe
lenge sťažinav. Dorozuminavav peske.
Keci
kolega kerenas buťi?
Hin
amen deš zamestnanca.
Sar
motivindžal le čhaven?
Me
motivindžom le čhaven hoj džan te pisinel, te ginel, bo aver
čhavore na džanenas nič. Nigda na džanenas te ginel, te pisinel,
aľe sar avle andro komunitno centrum ta imar džanen savoro.
Me
motivindžom kavka le čhaven kaj pes dochudľe pre stredno škola.
Akana jepaš čhaven Roškovcatar phiren pre stredno škola.
Sar
pes chovinen o čhave paš tute?
Chovinen
pes lačhes, podľa pravidľa. O čhave rado phiren andro centrum bo
pes kodoj kerel savoro.
Sar
tut rešpektinen o daja?
O
daja man rešpektinen, problemos man nane. So potrebinav te
podpisinel papira, podpisinen, takže problemos man nane. Rešpektos
hin.
Phiren
lenca varekaj po výlety?
Phiras,
samas imar dujvar oda berš. Samas po Spišský trh, samas andre
zoologická zahrada ke Spišská Nová Ves.
So
hin tumen nevo andro komunitno centrum?
Kada
centrum so akana sam, oda nane amaro vlastno centrum. Amen sam andre
škola, andre podnájom.
Andro
oktobros avľa phundrado amaro vlastno centrum. Odoj pes kerľa
savoro. Avľa odoj le počitačovo krúžkos, sivkeraha, buter khera.
Kamas
tut kodi buťi?
Som
rado, hoj hin man kodi buťi. Rado kerav buťi le čhavenca.
So
tut motivinel andre tiri buťi? So tuke del tiri buťi the savo hin
tut pocitos?
Hin
man lačho pocitos bo kaja buťi man bavinel. Kaja buťi man del but
zor the lačhipen. Na darav man ani la bučatar.
Štefan
Mirga, Marek Hamburg, Patrik Maľar, Roškovce
Žádné komentáře:
Okomentovat